اسلام آباد (این این آئی)سربراہ پاک فضائیہ ایئر چیف مارشل مجاہد انور خان نے آذربائیجان کے وزیر دفاع کرنل جنرل ذاکر حسنوف اور کمانڈر آذربایئجانی ایئر فورس لیفٹیننٹ جنرل رمیز طاہروف سے ملاقات کی جس میں پیشہ ورانہ امور اور باہمی تعاون پر تبادلہ خیال کیا گیا جبکہ پاک فضائیہ کی جانب سے عسکری تربیت میں بھرپور مدد اور تعاون کی یقین دہانی کرائی گئی ۔ ترجمان کے مطابق آذربائیجانی فضائیہ کے کمانڈر کی پاک فضائیہ کے تربیتی نظام اور آذربائیجانی فضائیہ کے اہلکاروں نے عسکری تربیت میں پاک فضائیہ کے کردار کی تعریف کی ۔ سربراہ آذربائیجان فضائیہ کی جے ایفـ17 تھنڈر پروگرام کی ملکی سطح پر تیاری کی بھی بھرپور پذیرائی۔ ایئرچیف اور آذربائیجان کے وزیر دفاع کرنل جنرل ذاکر حسنوف نے باہمی تعاون کو مزید فروغ دینے کا اعادہ کیا ۔ایئر چیف نے یادگار شہدا پر پھولوں کی چادر چڑھائی۔
