اسلام آباد(این این آئی)وزیر داخلہ شیخ رشیداحمد سے کویت کے نائب وزیر خارجہ علی سلیمان السعید نے ملاقات کی جس میں پاکستان اور کویت کے درمیان تعلقات بڑھانے اور باہمی دلچسپی کے امور پر تبادلہ خیال کیا گیا ۔پاکستانیوں کے کویت ویزا کی پابندی ہٹانے کے حوالے سے پیش رفت کا جائزہ لیا گیا ۔ویزا کے حوالے سے حوصلہ افرا پیش رفت پر دونوں رہنماؤں نے اظہار اطمینان کیا گیا ،کویتی امیر کی طرف سے وزیر داخلہ شیخ رشیداحمد کو کویت کے دورے کی دعوت دی ۔ کویتی نائب وزیر خارجہ نے کہا کہ پاکستان اور کویت کے درمیان سیکورٹی کے حوالے سے مزید تعاون بڑھانے کی ضرورت ہے۔انہوںنے کہاکہ پاکستان اور کویت کے درمیان تجارت کا بہت سکوپ ہے۔عملی اقدامات جلد لینے کی ضرورت ہے۔کویتی نائب وزیر خارجہ نے کہاکہ ہاکستان اور کویت کے سیکورٹی کے چیلجز مشترکہ ہیں۔نائب وزیر خارجہ نے کہاکہ میں سمجھتا ہوں ان چیلنجر سے نمٹنے کے لئے وزارت داخلہ کلیدی کردار ادا کر سکتی ہے۔شیخ رشید احمد نے کہاکہ پاکستان اور کویت کے درمیان تعلقات کئی دہائیوں اورکء نسلوں پر مشتمل ہیں ۔ وزیر داخلہ نے کہاکہ دونوں ممالک کے لوگوں کے درمیان دل کا رشتہ ہے،کویت کے دورے کی دعوت میرے لئے اعزاز کی بات ہے۔انہوںنین کہاکہ بطور وزیر اطلات اور وزیر سرمایہ کاری کویت کا دورہ کر چکا ہوں۔کویتی نائب وزیر خارجہ نے کویت وفد کی عزت افزائی کا شکریہ ادا کیا،نائب وزیر خارجہ نے شیخ رشید احمد کو وزیر داخلہ کا قلمدان سنبھالنے پرمبارک باد بھی پیش کی۔
