پاکستان کر کٹ بوڈ نے دورہ جنوبی افریقہ کے شیڈول کا اعلان کردیا

لاہور(این این آئی) پاکستان کرکٹ بورڈ نے دورہ جنوبی افریقہ کے شیڈول کا اعلان کردیا۔قومی ٹیم اپریل میں جنوبی افریقہ کا دورہ کرے گی۔ 3ایک روزہ اور 4 ٹی ٹونٹی انٹرنیشنل میچز کھیلے جائیں گے۔ تین ون ڈے انٹرنیشنل میچز آئی سی سی مینز کرکٹ ورلڈکپ سپر لیگ کا حصہ ہیں۔قومی کرکٹ ٹیم 26 مارچ کو جوہانسبرگ روانہ ہوگی ۔ 2، 4 اور 7 اپریل کو تین ون ڈے انٹرنیشنل میچز کھیلے جائیں گے۔ پہلا اور تیسرا ون ڈے پریٹوریا، دوسرا ون ڈے میچ جوہانسبرگ میں کھیلا جائے گا،پہلے 2 ٹی ٹونٹی انٹرنیشنل میچز 10 اور 12 اپریل کو جوہانسبرگ میں ہوں گے ۔ اگلے دونوں میچز پریٹوریا میں کھیلے جائیں گے۔