لاہور( این این آئی)جرائم پیشہ افراد کی جانب سے تھیٹر میں سرمایہ کاری کرنے کا انکشاف ہوا ہے ،ان عناصر کی جانب سے نام نہاد پروڈیوسرز کو فرنٹ مین کے طور پر رکھ کر بڑے پیمانے پر سرمایہ کی گئی ہے ۔ ذرائع کے مطابق منشیات فروشی اور ناجائز قبضے کرانے میں ملوث نامی گرامی مجرموں کی جانب سے لاہور سمیت پنجاب کے بڑے شہروں میں قائم تھیٹرز پر سرمایہ کاری کی گئی ہے اور جرائم پیشہ عناصر نے اپنی شناخت چھپانے کے لئے نام نہاد پروڈیوسرز کو سامنے رکھا ہوا ہے ۔ ذرائع کے مطابق تھیٹر پر اداکارائوں کے درمیان ہونے والے جھگڑوں کے اکثر فیصلے بھی ان جرائم پیشہ عناصر کے ڈیروں پر ہوتے ہیں ۔ ذرائع کے مطابق زیادہ تر جرائم پیشہ عناصر کچھ اداکارائوں کی خاطر ڈراموں پر سرمایہ کاری کرتے ہیں ۔
