اسلام آباد (این این آئی)سانحہ اے پی ایس کیس میں وزیر اعظم کی سپریم کورٹ میں پیشی کے موقع پر سکیورٹی کے سخت انتظامات کئے گئے ۔ بد ھ کو سپریم کورٹ کی جانب سے طلبی پر وزیر اعظم عمران خان آرمی پبلک اسکول (اے پی ایس) حملہ کیس میں ذاتی حیثیت میں پیش ہوئے ،کمرہ عدالت نمبر ون میں وزیر اعظم ،وکلا، سکیورٹی اہلکاروں اور اے پی ایس حملے کے متاثرین کے اہل خانہ کی بڑی تعداد میں موجود تھے وزیر داخلہ شیخ رشید، وزیر اطلاعات فواد چوہدری سمیت چند وفاقی وزرا بھی سپریم کورٹ میں موجود تھے۔۔وزیر اعظم کی آمد سے قبل سپریم کورٹ کے اطراف سیکیورٹی کے انتہائی سخت انتظامات کیے گئے ،وزیر اعظم کی آمد سے قبل وفاقی وزیر داخلہ شیخ رشید اور انسپکٹر جنرل اسلام آباد بھی سپریم کورٹ پہنچے تھے۔
