ممبئی (این این آی)انٹرنیٹ صارفین نے سابق مس ورلڈ ایشوریا رائے بچن کی ایک اور ہم شکل ڈھونڈ نکالی، انسٹاگرام صارف اشیتا سنگھ ایشوریا رائے سے مشابہت کی وجہ سے ٹرینڈز میں شامل ہیں۔اشیتا مختصر ویڈیو کلپ میں چہرے کے تاثرات اور ہاتھوں کی حرکات سے بتا رہی ہیں کہ وہ سوشل میڈیا پر سب سے زیادہ کون سا ایموجی استعمال کرتی ہیں۔اسی طرح سلمان خان کی فلم لکی میں اداکاری کرنے والی سنیہا الال کو بھی ایشوریا رائے کا ہم شکل قرار دیا گیا تھا۔چند دیگر سوشل میڈیا شخصیات بھی ایشوریا رائے سے مشابہت کی وجہ سے مشہور ہوئیں۔
