واشنگٹن(این این آئی)ایک امریکی اہلکار نے بتایا ہے کہ امریکی صدر جو بائیڈن کے ایک اعلی معاون نے سعودی عرب کا غیر اعلانیہ دورہ کیا ہے تاکہ اسرائیل حماس جنگ کو روکنے کی کوششوں پر تبادل خیال کیا جائے۔غیرملکی خبررساں ادارے کے مطابق اہلکار نے کہاکہ قومی سلامتی کے مشیر جیک سلیوان نے سعودی عرب کے سینئر حکام سے ملاقات کی تاکہ خطے میں استحکام برقرار رکھنے اور اسرائیل حماس کی جنگ کو پھیلنے سے روکنے کے لیے وسیع تر سفارتی کوششوں پر تبادل خیال کیا جائے۔ان کے اس سفر کا مقصد اس کام کو آگے بڑھانا تھا جو اسرائیلیوں اور فلسطینیوں کے درمیان پائیدار امن کے قیام کے لیے سعودی عرب اور امریکہ کے درمیان حالیہ مہینوں میں جاری تھا۔
