واشنگٹن/صنعا(این این آئی)طیارہ بردار بحری جہاز یو ایس ایس ڈوائٹ آئزن ہاور کے کمانڈر مارک میگاس نے تصدیق کی ہے کہ ان کی افواج حوثیوں کی جارحانہ صلاحیتوں کو کمزور کرنے کے علاوہ آبنائے عدن کے ذریعے 2,000 بحری جہازوں کے گزرنے کو محفوظ بنانے میں کامیاب رہی ہیں۔غیرملکی خبررساں ادارے کے مطابق اس تناظر میں حوثی میڈیا نے اعلان کیا کہ ایک امریکی-برطانوی بمباری میں مغربی یمن میں الحدیدہ گورنری کے الصلیف ضلع میں راس عیسی کے علاقے کو نشانہ بنایا گیا ہے۔ اس بارے میں فوری طور پر مزید تفصیلات فراہم نہیں کی گئیں۔اس سے قبل حوثی میڈیا نے اطلاع دی تھی کہ امریکی-برطانوی حملے میں مغربی یمن میں الحدیدہ گورنری کے التحیتا ضلع میں راس عیسی کے علاقے کو نشانہ بنایا گیا۔
