بہتر یہی ہے 31 مئی سے پہلے پہلے نئے انتخابات کا اعلان کر دیا جائے، شیخ رشید

0
186

اسلام آباد (این این آئی)سابق وفاقی وزیرِ داخلہ شیخ رشید احمدنے کہاہے کہ سامراجی مراسلہ سازش تھا، موجودہ حکومت اسے بے بنیاد اور جعلی کہتی تھی۔جاری کیے گئے بیان میں سابق وفاقی وزیرِ داخلہ شیخ رشید احمد نے کہا کہ سامراجی مراسلہ سازش تھا، موجودہ حکومت اسے بے بنیاد اور جعلی کہتی تھی۔انہوںنے کہاکہ حکومت آج خود اپنے بیانیے کے خلاف تحقیقاتی کمیشن بنانے کا اعلان کر رہی ہے، عمران خان جوڈیشل کمیشن کا مطالبہ کر رہے ہیں۔وفاقی وزیر داخلہ شیخ رشید نے کہا کہ یہ بات ثابت ہو گئی کہ مداخلت سازش سے زیادہ خطرناک ہوتی ہے۔انہوں نے کہا کہ مسلم لیگ (ن )کی طرف سے جلسوں کی ابتداء جلد الیکشن کی ایک کڑی ہے۔سابق وفاقی وزیرِ داخلہ نے دعویٰ کیا کہ دو ووٹوں کی اکثریتی حکومت دو ماہ میں ہی سیاسی طور پر ختم ہو جائے گی۔شیخ رشید نے کہا کہ بہتر یہی ہے 31 مئی سے پہلے پہلے نئے انتخابات کا اعلان کر دیا جائے۔