اسلام آباد(این این آئی)جمعیت علما اسلام (جے یو آئی)کے سینیٹر طلحہ محمودکو وفاقی وزیر مذہبی امور تعینات کردیا گیا۔کابینہ ڈویژن نے سینیٹر طلحہ محمود کی بطور وفاقی وزیر تعیناتی کا نوٹیفکیشن جاری کردیا ہے۔سینیٹر طلحہ محمود کو وزارت مذہبی امور کی اضافی ذمہ داریاں دی گئیں ، اس سے قبل وہ وزیرسیفران کے فرائض بھی انجام دے رہے تھے۔مفتی عبدالشکور کے انتقال کے بعد وزارت کا قلمدان سینیٹر طلحہ محمودکو دیا گیا ہے۔خیال رہے کہ دو روز قبل وفاقی وزیر مذہبی امور مفتی عبدالشکور اسلام آباد میں ٹریفک حادثے میں جاں بحق ہوگئے تھے۔
