اسلام آباد (این این آئی)وفاقی وزیر برائے موسمیاتی تبدیلی و ماحولیاتی رابطہ سینیٹر شیری رحمان نے کہا ہے کہ محرم الحرام کے دوران امن اور رواداری کو فروغ دے کر ہم پاکستان کو ایک مضبوط اور متحد ملک بنا سکتے ہیں۔اپنے ایک ٹوئٹ میں انہوں نے کہا کہ محرم الحرام کے آغاز پر آئیے سب مل کر پاکستان میں امن اور ہم آہنگی کا پرچار کریں۔انہوںنے کہاکہ یہ مہینہ مسلمانوں کے لیے گہری اہمیت رکھتا ہے اور یہ ضروری ہے کہ ہم اس مہینے میں ایک دوسرے کے لیے افہام و تفہیم، ہمدردی اور احترام کے جذبے کو قائم رکھیں۔ انہوں نے کہا کہ دعا ہے کہ اس محرم ہمیں پورے پاکستان میں امن، رواداری اور ہم آہنگی کو فروغ دینے کی ترغیب ملے۔
