اسلام آباد (این این آئی)وفاقی وزیر رانا تنویر حسین نے کہاہے کہ چینی کی برآمد کو چینی کی قیمت کے استحکام سے منسلک کیا جائے گا۔وفاقی وزیر برائے صنعت و پیداوار اور نیشنل فوڈ سیکیورٹی رانا تنویر حسین کی زیر صدارت شوگر ایڈوائزری بورڈ کا اجلاس ہوا جس میں وفاقی وزیر تجارت جام کمال خان نے بھی شرکت کی ۔وفاقی سیکرٹری صنعت و پیداوار وسیم اجمل چوہدری اور وفاقی حکومت کے اعلیٰ حکام ،صوبوں کے نمائندگان اور پاکستان شوگر ملز ایسوسی ایشن کے نمائندے بھی شریک ہوئے ۔ وفاقی وزیر رانا تنویر حسین نے کہاکہ چینی کی برآمد کو چینی کی قیمت کے استحکام سے منسلک کیا جائے گا۔اجلاس میں پاکستان شوگر ملز ایسوسی ایشن کی جانب سے ملک میں دستیاب چینی کے فاضل اسٹاک کو برآمد کرنے کی تجویز دی گئی ۔اجلاس میں کرشنگ سیزن 2023ـ24 میں چینی کے مجموعی اسٹاک کا جائزہ لیا گیا ۔ وفاقی وزیر نے کہاکہ چینی کی قیمتوں میں اضافے کا براہ راست عوام پر اثر پڑتا ہے، ایکسپورٹ سے پہلے چینی کی مقامی مانگ کو پورا کرنا ضروری ہے۔ اجلاس میں ایکسپورٹ کو مقامی مارکیٹ میں چینی کی قیمت کے استحکام سے جوڑنے کی تجویز دی گئی ۔ وفاقی وزیر نے کہاکہ حکومت اور پاکستان شوگر ملز ایسوسی ایشن چینی کی قیمتوں میں استحکام کے طریقہ کار کو وضع کریں گے۔ وفاقی وزیر نے کہاکہ اگلے کرشنگ سیزن کے آغاز تک چینی کی بلا تعطل فراہمی اور قیمتوں میں استحکام کو یقینی بنایا جائیگا۔اجلاس میں چینی کے دستیاب ذخیرے، پیداوار اور برآمد کے حوالے سیصوبوں سے سفارشات طلب کرلی گئیں ،سفارشات کی روشنی میں اعداد و شمار کا دوبارہ جائزہ لیاجائے گا ،درآمد کی اجازت دینے یا نہ دینے کا فیصلہ آئندہ اجلاس میں ہوگاتاکہ لوکل مارکیٹ اور کم آمدنی والے طبقات پر کوئی منفی اثر نہ پڑے۔
مقبول خبریں
متحدہ عرب امارات میں آج سے شدید بارش کی پیشگوئی
ابوظہبی(این این آئی)متحدہ عرب امارات میں بدھ کی شام سے جمعرات تک شدید بارش کی پیشگوئی کی گئی ہے۔غیرملکی خبررساں ادارے کے مطابق اماراتی...
جنگ بندی اور غزہ سے اسرائیلی افواج کا انخلا چاہتے ہیں، حماس
مقبوضہ بیت المقدس(این این آئی)حماس کے ترجمان عبدالطیف الکانو نے کہا ہے کہ ہمارے مطالبات جائز ہیں، مستقل جنگ بندی اور غزہ سے...
اسرائیل نے 40 روزہ جنگ بندی کی پیشکش کی ہے، برطانیہ
مقبوضہ غزہ(این این آئی)غزہ میں جنگ بندی معاہدے کی کوششیں جاری ہیں۔ غیرملکی خبررساں ادارے کے مطابق اس حوالے سے برطانوی وزیرخارجہ نے کہا...
اعلی امریکی سفارت کار کی شہزادہ محمد بن سلمان سے ریاض میں ملاقات
ریاض(این این آئی)سعودی ولی عہد اور وزیر اعظم شہزادہ محمد بن سلمان نے پیر روز امریکہ کے اعلی ترین سفارت کار انٹونی بلنکن سے...
سپریم کورٹ کا ملک بھر میں سڑکوں اور فٹ پاتھ پر سے تجاوزات 3دن...
کراچی(این این آئی)سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دیتے ہوئے تحریری حکم نامہ جاری...