واشنگٹن(این این آئی)بائیڈن انتظامیہ نے نامور سفارتکار ایلیزابیتھ جونز کو افغانستان میں نقل مکانی اور آباد کاری کے لیے کوششوں کی قیادت کے لیے نامزد کردیا۔میڈیارپورٹس کے مطابق امریکی محکمہ خارجہ نے اپنے بیان میں کہا کہ سفیر ایلیزابیتھ جونز بطور کوآرڈینیٹر پورے افغانستان میں نقل مکانی کی کوششوں، افغانستان سے افراد کی روانگی اور انہیں امریکا میں آباد کاری کی سہولت فراہم کرنے کے لیے ہماری جاری کوششوں کی نگرانی کریں گی۔ایلیزابیتھ جونز کو ان کی ریٹائرمنٹ سے واپس بلا کر ریسکیو اور آباد کاری کے عمل کی نگرانی کی ذمہ داری سونپی گئی ہے۔بطور فارن سروس افسر ان کا پہلا اسائنمنٹ کابل میں تھا اور وہ افغانستان اور پاکستان کے لیے نائب خصوصی نمائندے کے فرائض بھی انجام دے چکی ہیں۔امریکی محکمہ خارجہ کے عہدیدار نے واشنگٹن میں صحافیوں کو بتایا کہ جونز، امریکا میں افغان افراد کی نقل مکانی اور آباد کاری میں سہولت فراہم کرنے کی ہماری کوششوں سے متعلق انتہائی پیچیدہ مسائل پر توجہ مرکوز کریں گی جن سے ہماری خصوصی وابستگی ہے۔اس کی ٹیم میں شامل سفارت کاروں کو گروپوں کی شکل میں چار اہم شعبوں پر مرکوز کیا گیا ہے اور وہ شعبے لوگوں کو افغانستان سے باہر منتقل کرنا، ان افراد کو تیسرے ممالک میں آباد کرنا، امریکا میں افغانیوں کی آباد کاری اور رضاکار اور سابق فوجیوں کے گروپوں کے ساتھ رابطہ کرنے کے ہیں۔تاہم ایلیزابیتھ جونز، طالبان سے براہ راست کوئی رابطہ نہیں کریں گی۔
مقبول خبریں
ہمیں ملیریا کی روک تھام بارے میں آگہی اور باہمی تعاون سے کام کرنے...
اسلام آباد(این این آئی)وزیراعظم شہباز شریف نے کہا ہے کہ ہمیں صحت کی دیکھ بھال کے نظام کو مضبوط بنانے، معیاری تشخیص اور علاج...
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار...
اسلام آباد(این این آئی)سپیکر قومی اسمبلی سردار ایاز صادق نے موسم بہار کی شجر کاری مہم کی مناسبت سے پارلیمنٹ ہائوس کے سبزہ...
نواز شریف کی چین میں صحابی رسول ۖ حضرت سعد بن ابی وقاص رضی...
بیجنگ(این این آئی)چین کے پانچ روزہ دورے پر موجود سابق وزیراعظم اور پاکستان مسلم لیگ (ن)کے قائد نواز شریف نے صحابی رسول ۖ حضرت...
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں...
ایبٹ آباد(این این آئی)وزیراعظم شہباز شریف نے کہاہے کہ صوبائی حکومتوں کے ساتھ مل کر اسمگلنگ کا خاتمہ ضروری ہے،اسمگلنگ کیخلاف کسی بھی کارروائی...
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد...
ایبٹ آباد(این این آئی)وزیر اعظم شہباز شریف ایبٹ آباد میں شہید کسٹمز انسپکٹر سید حسنین علی ترمذی کی رہائش پر گئے اور شہید کے...