اسلام آباد (این این آئی)پاکستان نے آر ایس ایس چیف کے اشتعال انگیز اور غیر ذمہ دارانہ ریمارکس کو مسترد کردیا۔ ترجمان دفتر خارجہ نے اپنے بیان میں کہاکہ پاکستان ہندوستان آر ایس ایس چیف موہن بھاگوت کے انتہائی غیر ذمہ دارانہ ریمارکس کی سختی سے مذمت کرتا ہے۔ ترجمان نے کہاکہ آر ایس ایس سربراہ نے تقسیم کو “کالعدم” کرنے کا مطالبہ کیا گیا تھا۔ ترجمان دفتر خارجہ نے کہاکہ سربراہ آر ایس ایس نے عوامی طور جارحانہ سوچ اور تاریخی ترمیم پسندی کا اظہار پہلی بار نہیں کیا، ترجمان دفتر خارجہ نے کہاکہ ہندتوا نظریہ اور اکھنڈ بھارت درحقیقت آر ایس ایس بی جے پی گٹھ جوڑ ہے۔ ترجمان نے کہاکہ پاکستان نے ہندتوا سوچ اور اکھنڈ بھارت نظریہ کی وجہ سے خطے کے امن و استحکام کو درپیش خطرات کی نشاندہی کی ہے۔ ترجمان نے کہاکہ انڈیا کے ان خطرناک ہتھکنڈوں کا مقصد بھارت میں موجود اقلیتوں کو پسماندہ رکھنا ہے، دنیا بھارت میں اقلیتوں بالخصوص مسلمانوں کے حقوق کو منظم طریقے سے غصب کرنے اور کشمیریوں پر جاری ظلم کی گواہ ہے۔ ترجمان نے کہاکہ پاکستان نے بھارت کے تسلط پسندانہ اقدامات کی مسلسل مخالفت کی ہے ، پاکستان نے بھارت کے جارحانہ عزائم کو ناکام بنانے کے پختہ عزم کا مظاہرہ کیا ہے۔ ترجمان نے کہاکہ امن کے لیے پرعزم رہتے ہوئے پاکستان کے عوام اور مسلح افواج ملک کی خودمختاری اور سالمیت کا دفاع کرنے کی پوری صلاحیت رکھتی ہیں۔ترجمان نے کہاکہ بی جے پی اور آر ایس ایس ایسے اشتعال انگیز اور غیر ذمہ دارانہ بیانات دینے سے گریز کریں، بی جے پی اور آر ایس ایس حقائق کو قبول کریں اور پرامن بقائے باہمی کے تقاضوں پر عمل کرنا سیکھیں۔
مقبول خبریں
ہمیں ملیریا کی روک تھام بارے میں آگہی اور باہمی تعاون سے کام کرنے...
اسلام آباد(این این آئی)وزیراعظم شہباز شریف نے کہا ہے کہ ہمیں صحت کی دیکھ بھال کے نظام کو مضبوط بنانے، معیاری تشخیص اور علاج...
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار...
اسلام آباد(این این آئی)سپیکر قومی اسمبلی سردار ایاز صادق نے موسم بہار کی شجر کاری مہم کی مناسبت سے پارلیمنٹ ہائوس کے سبزہ...
نواز شریف کی چین میں صحابی رسول ۖ حضرت سعد بن ابی وقاص رضی...
بیجنگ(این این آئی)چین کے پانچ روزہ دورے پر موجود سابق وزیراعظم اور پاکستان مسلم لیگ (ن)کے قائد نواز شریف نے صحابی رسول ۖ حضرت...
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں...
ایبٹ آباد(این این آئی)وزیراعظم شہباز شریف نے کہاہے کہ صوبائی حکومتوں کے ساتھ مل کر اسمگلنگ کا خاتمہ ضروری ہے،اسمگلنگ کیخلاف کسی بھی کارروائی...
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد...
ایبٹ آباد(این این آئی)وزیر اعظم شہباز شریف ایبٹ آباد میں شہید کسٹمز انسپکٹر سید حسنین علی ترمذی کی رہائش پر گئے اور شہید کے...