ایاز صادق اسمبلی سے نااہلی کاریفرنس دائر کرنے کے مطالبہ

0
144

لاہور( این این آئی )پاکستان تحریک انصاف کی رکن اسمبلی مسرت جمشید چیمہ نے سابق سپیکر قومی اسمبلی سردار ایاز صادق کی قومی اسمبلی کی نشست سے نااہلی کاریفرنس دائر کرنے کے مطالبے کی قرارداد پنجاب اسمبلی سیکرٹریٹ میں جمع کرادی۔قرارداد کے متن میں کہا گیا ہے کہ مسلم لیگ(ن) کے کے سینئر رہنما ایاز صادق کے قومی اسمبلی کے فلور پر متنازعہ بیان دیا جو قابل مذمت ہے ،صادق نے نواز شریف اور بھارت کو خوش کرنے کے لیے پاکستانی فوج کے خلاف بیان دیا ۔ایاز صادق نے پاک فوج کے خلاف تقریر کرکے آئین شکنی کرتے ہوئے تاریخ کو مسخ کیا ۔ وفاقی حکومت سے مطالبہ ہے کہ ایاز صادق کو آئین شکنی کرتے ہوئے پاکستان کی فتح کو شکست میں تبدیل کرنے کی ناکام کوشش پر انہیں قومی اسمبلی کی نشست سے نااہلی کا ریفرنس تیار کیا جائے،آئین کے آرٹیکلز کے مطابق سزا وار قرار دیا جائے ۔ایاز صادق کے بیان کی پشت پناہی کرنے والوں کے خلاف بھی بھرپور کارروائی کی جائے۔