سعودی عرب کی الجزائرکوسلامتی کونسل میں نشست کے لیے حمایت کی یقین دہانی

0
51

ریاض (این این آئی)سعودی عرب نے الجزائرکواقوام متحدہ کی سلامتی کونسل میں نشست کے لیے اپنی مکمل حمایت کی یقین دہانی کرائی ہے۔میڈیارپورٹس کے مطابق سعودی وزیرخارجہ شہزادہ فیصل بن فرحان نے الجزائر کے صدرعبدالمجید تبون سے دارالحکومت کے المرادیہ محل میں ملاقات کی ۔انھوں نے دونوں ممالک کی قیادت اور عوام کے درمیان قریبی برادرانہ تعلقات کا جائزہ لیا اورباہمی دلچسپی کے عرب اورعلاقائی امور پر تبادلہ خیال کیا۔انھوں نے دونوں ملکوں کے درمیان تمام شعبوں میں دوطرفہ روابط کومضبوط بنانے کے طریقوں کا بھی جائزہ لیا۔الجزائری صدر سے ملاقات کے بعد گفتگو کرتے ہوئے سعودی وزیرخارجہ نے کہاکہ میں نے صدرتبون سے مشترکہ تعاون کے حوالے سے بات چیت کی ہے اور انھیں اقوام متحدہ کی سلامتی کونسل کی نشست کے لیے مملکت کی جانب سے الجزائر کی حمایت کی یقین دہانی کرائی ہے۔شہزادہ فیصل بن عبداللہ بن فرحان نے اعتماد کا اظہارکیا کہالجزائرعلاقائی اور بین الاقوامی سلامتی کو برقرار رکھنے میں اہم کردار ادا کرے گا۔سعودی وزیرخارجہ نے الجزائری ہم منصب رمطان لعمامرہ سے بھی ملاقات کی اور ان سیمشرقِ اوسط اورشمالی افریقا کے خطے میں سلامتی اوراستحکام کے لیے مشترکہ اقدامات کومضبوط بنانے کی اہمیت پر تبادلہ خیال کیا۔انھوں نے اپنے ٹویٹراکائونٹ پربتایا کہ رمطان لعمامرہ کے ساتھ انھوں نے سعودی عرب اور الجزائرکی سیاسی مشاورتی کمیٹی کا تیسرا اجلاس منعقد کیا۔اس میں انھوں نے دوطرفہ تعلقات کے علاوہ مشترکہ دلچسپی کے بہت سے امورپر تفصیلی بات چیت کی