مدینہ منورہ(این این آئی)وہاڑی سے مسلم لیگ(ن)کے رکن پنجاب اسمبلی میاں ثاقب خورشید نے کہاہے کہ پارٹی قائدمیاں نوازشریف نے لند ن میں ملاقات کے دوران انہیں پنجاب کے حوالے سے ایک اہم ذمہ داری سونپی ہے،عمرہ کی ادائیگی کے بعد پاکستان پہنچتے ہی میں اس ذمہ داری کوپورا کرنے میں لگ جاوں گا اور قائدکے اعتماد پر پورا اتروں گا،پاکستان کے مسائل کا حل صرف (ن)لیگ کی قیادت کے پاس ہے ، عوام دیکھ رہے ہیں کہ اسحاق ڈار نے چندہی دنوں میں کس طرح معیشت کو بہتر کیا ہے۔ وہ جمعرات کو یہاں پاکستانی صحافیوں سے بات چیت کررہے تھے۔ ثاقب خورشید نے بتایاکہ سعودی عرب آنے سے پہلے انہوں نے لندن میں نوازشریف سے اسحاق ڈار سے ملاقاتیں کیں اور ان کے ساتھ مسلم لیگ (ن )کے تنظیمی امور، ملک خصوصاً پنجاب کی سیاسی صورتحال پر تبادلہ خیال کیا۔ ثاقب خورشید نے کہا کہ نوازشریف نے ثابت قدمی کے ساتھ پارٹی کے ساتھ میری وابستگی کو سراہا اور کہاکہ آپ جس طرح سے اپنی بہتر صلاحیتوں کا مظاہرہ کررہے ہیں پارٹی اس کے اعتراف میں جب دوبارہ اقتدار میں آئے گی تواہم ذمہ داری دی جائے گی جبکہ پارٹی قائد نے موجودہ سیاسی صورتحال کے حوالے سے بھی مجھے ایک اہم ٹاسک دیا ہے۔ثاقب خورشید نے کہاکہ ضلع وہاڑی کے عوام مجموعی طور پر ہمیشہ سے مسلم لیگ(ن) پر اعتماد کرتے چلے آئے ہیں اور آئندہ بھی جب انتخابات ہوں گے تو (ن)لیگ ضلع وہاڑی کی بیشترنشتیں جیتے گی۔انہوں نے بتایاکہ میں نے عمرہ کی ادائیگی کے دوران اور روضہ رسول پر حاضری کے موقع پر بھی ملک ترقی،سلامتی اور خوشحالی کے لئے خصوصی دعائیں کیں۔ثاقب خورشید سے مدینہ منورہ میں وہاڑی سے تعلق رکھنے والے درجنوں پاکستانیوں ملاقات کرکے انہیں عمرہ کی ادائیگی کی مبارکباد دی۔
مقبول خبریں
ہمیں ملیریا کی روک تھام بارے میں آگہی اور باہمی تعاون سے کام کرنے...
اسلام آباد(این این آئی)وزیراعظم شہباز شریف نے کہا ہے کہ ہمیں صحت کی دیکھ بھال کے نظام کو مضبوط بنانے، معیاری تشخیص اور علاج...
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار...
اسلام آباد(این این آئی)سپیکر قومی اسمبلی سردار ایاز صادق نے موسم بہار کی شجر کاری مہم کی مناسبت سے پارلیمنٹ ہائوس کے سبزہ...
نواز شریف کی چین میں صحابی رسول ۖ حضرت سعد بن ابی وقاص رضی...
بیجنگ(این این آئی)چین کے پانچ روزہ دورے پر موجود سابق وزیراعظم اور پاکستان مسلم لیگ (ن)کے قائد نواز شریف نے صحابی رسول ۖ حضرت...
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں...
ایبٹ آباد(این این آئی)وزیراعظم شہباز شریف نے کہاہے کہ صوبائی حکومتوں کے ساتھ مل کر اسمگلنگ کا خاتمہ ضروری ہے،اسمگلنگ کیخلاف کسی بھی کارروائی...
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد...
ایبٹ آباد(این این آئی)وزیر اعظم شہباز شریف ایبٹ آباد میں شہید کسٹمز انسپکٹر سید حسنین علی ترمذی کی رہائش پر گئے اور شہید کے...