اسلام آباد (این این آئی) چیئر مین سینٹ صادق سنجرانی نے کہا ہے کہ پاکستان میں معدنیات سے متعلق تعلیم اور ہنر کی ترقی میں عمر خان سنجرانی یونیورسٹی اہم سنگ میل ثابت ہوگی،منصوبے کے معیار کو یقینی بنانے اور بروقت تکمیل کیلئے قابل عمل لائحہ عمل مرتب کیا جائے۔چیئرمین سینیٹ محمد صادق سنجرانی سے ایچ ای سی کی ایگزیکٹو ڈائریکٹر شائستہ سہیل اوردیگر حکام نے ملاقات کی جس میں نو کنڈی، چاغی میں عمر خان سنجرانی معدنیات و قدرتی وسائل کی یونیورسٹی کے قیام سے متعلق پیش رفت سے آگاہ کیا۔ ایگزیکٹو ڈائریکٹر ایچ ای سی نے کہاکہ یونیورسٹی کے قیام کیلئے پی سی (II) سی ڈی ڈبلیو پی سے پہلے ہی منظور ہو چکا ہے، تعمیراتی کام کی فزیبلٹی سٹڈی کیلئے ٹینڈر ز کے مراحل کے بعد کنسلٹنٹ کی خدمات حاصل کر لی گئی ہیں۔انہوںنے کہاکہ کنسلٹنٹ موقع پر تعمیراتی کام کی نوعیت اور دیگر متعلقہ امور کا جائزہ لینے کے بعد ایک ماہ میں فزیبلٹی مکمل کرے گا۔انہوںنے کہاکہ منصوبے کی جائزہ رپورٹ 25 جنوری جبکہ تعمیرات کے آغاز کرنے سے متعلق حتمی رپورٹ 5 مارچ2021 تک جمع کروائی جائے گی۔ چیئر مین سینٹ نے کہاکہ پاکستان میں معدنیات سے متعلق تعلیم اور ہنر کی ترقی میں عمر خان سنجرانی یونیورسٹی اہم سنگ میل ثابت ہوگی۔ چیئرمین سینیٹ نے ہدایت کی کہ منصوبے کے معیار کو یقینی بنانے اور بروقت تکمیل کیلئے قابل عمل لائحہ عمل مرتب کیا جائے۔انہوںنے کہاکہ 500 ایکڑ پر قائم کی جانے والی یہ مجوزہ یونیورسٹی اپنی نوعیت کا منفرد منصوبہ ہے۔انہوںنے کہاکہ معدنیات سے مالا مال ملک میں فنی تعلیم سے آراستہ ہنر مند افراد اشد ضرورت ہے۔چیئرمین سینیٹ نے کہا کہ ایسے تعلیمی ادارے معدنیات کے فروغ کیلئے درکار افرادی قوت مقامی سطح پر فراہم کریں گے۔انہوںنے کہاکہ اس منصوبے پر لاگت کا ابتدائی تخمینہ 6 ارب روپے لگایا گیا ہے، منصوبے کی بروقت تکمیل کیلئے تمام متعلقہ ادارے مربوط کوششیں کریں،منصوبے کے مختلف مراحل کی تکمیل دیئے گئے ٹائم فریم کے مطابق کی جائے۔
مقبول خبریں
ہمیں ملیریا کی روک تھام بارے میں آگہی اور باہمی تعاون سے کام کرنے...
اسلام آباد(این این آئی)وزیراعظم شہباز شریف نے کہا ہے کہ ہمیں صحت کی دیکھ بھال کے نظام کو مضبوط بنانے، معیاری تشخیص اور علاج...
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار...
اسلام آباد(این این آئی)سپیکر قومی اسمبلی سردار ایاز صادق نے موسم بہار کی شجر کاری مہم کی مناسبت سے پارلیمنٹ ہائوس کے سبزہ...
نواز شریف کی چین میں صحابی رسول ۖ حضرت سعد بن ابی وقاص رضی...
بیجنگ(این این آئی)چین کے پانچ روزہ دورے پر موجود سابق وزیراعظم اور پاکستان مسلم لیگ (ن)کے قائد نواز شریف نے صحابی رسول ۖ حضرت...
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں...
ایبٹ آباد(این این آئی)وزیراعظم شہباز شریف نے کہاہے کہ صوبائی حکومتوں کے ساتھ مل کر اسمگلنگ کا خاتمہ ضروری ہے،اسمگلنگ کیخلاف کسی بھی کارروائی...
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد...
ایبٹ آباد(این این آئی)وزیر اعظم شہباز شریف ایبٹ آباد میں شہید کسٹمز انسپکٹر سید حسنین علی ترمذی کی رہائش پر گئے اور شہید کے...