دبئی (این این آئی)مسلم لیگ (ن )کے چیف کوآرڈینیٹر اینڈ سنیئر نائب صدر انٹرنیشنل افیئرز بیرسٹر امجد ملک کا برطانیہ سے دبئی ایئرپورٹ پہنچنے پر مسلم لیگ (ن )متحدہ عرب امارات کے مرکزی صدر غوث قادری و سنیئر عہدیداران نے پھولوں کے گلدستے پیش کرکے والہانہ استقبال کیا۔چیف کوآرڈینیٹر اینڈ سنیئر نائب صدر انٹرنیشنل افیئرز مسلم لیگ (ن )بیرسٹر امجد ملک اور انکے ساتھ بزنس کونسل برطانیہ کے صدر چوہدری خالد کا متحدہ عرب امارات کے مرکزی صدر غوث قادری،سیکرٹری جنرل راجہ ابو بکر آفندی، متحدہ عرب امارات بزنس کونسل کے صدر عبدالمجید مغل ،سیکرٹری جنرل دبئی راجہ عابد حسین ،بزنس کونسل متحدہ عرب امارات کے سنیئر نائب صدر راجہ جمیل بنگیال ،بزنس کونسل کے نائب صدر شوکت محمود بٹ،شارجہ کے سیکرٹری جنرل عرفان طور،متحدہ عرب امارات پیٹرن عبدالغفار ،العین کے چیئرمین ملک رشید،شارجہ کے صدر چوہدری راشد فاروق ، شارجہ کے سیکرٹری جنرل چوہدری عامر بشیر انجم کے علاؤہ سعودی عرب کے ایکٹنگ صدر چوہدری محمود الحق ڈوگر ،ترکی کے مرکزی صدر میر ابرار احمد بٹ اور کثیر تعداد میں مسلم لیگ ن کے کارکنان و عہدیداران نے پھولوں کے گلدستے پیش کرکے والہانہ استقبال کیا۔مہمان خصوصی چیف کوآرڈینیٹر بیرسٹر امجد ملک اور میزبان متحدہ عرب امارات کے مرکزی صدر غوث قادری نے میڈیا سے بات کرتے ہوئے کہا کہ دنیا بھر سے مسلم لیگ ن کے عہدیداران و کارکنان اپنے قائد محترم میاں محمد نواز شریف کے استقبال کے لیے جوق در جوق آرہے ہیں جیساکہ آپ سب جانتے ہیں 21 اکتوبر کو قائد محترم پاکستان کے لیے دبئی سے روانہ ہو رہے ہیں۔
