اسلام آباد (این این آئی)صدر مملکت عارف علوی نے کہاہے کہ نوجوانوں کو چیمبرز اور مختلف یونیورسٹیز کی مدد سے ووکیشنل ٹریننگ دینا ہوگی، کامیاب جوان پروگرام اور قرضوں کی فراہمی سے خواتین کو بااختیار بنانے کے لیے اقدامات کیے جارہے ہیں، سکھر ریجن کی ترقی کے لئے اقدامات کرتے رہیں گے،حیدرآباد سکھر موٹروے سے عوام کو سفری سہولت ملے گی، کاروباری سرگرمیوں میں اضافہ ہوگا ،ہمیں آئی ٹی کے شعبے میں مزید ترقی کرنا ہوگی،ہمیں دنیا کے ساتھ ترقی میں شامل ہونے کے لئے ڈیجیٹلائزیشن کی طرف جانا ہوگا ۔ منگل کوصدر مملکت ڈاکٹر عارف علوی سے سکھر چیمبر آف کامرس کے وفد نے ملاقات کی جس میں گورنر سندھ عمران اسماعیل، حلیم عادل ،شیخ خرم شیر زمان، سینیٹر سیف اللہ ابڑو اور تاجروں نے شرکت کی ،اجلاس میں سکھر چیمبر آف کامرس کے صدر عامر علی خان غوری نے بریفنگ دی ۔ صدر مملکت نے کہاکہ ملکی معیشت کی بہتری کے لیے کاروباری افراد اور چیمبرز کا کردار انتہائی اہم ہے، مشکل حالات کے باوجود حکومت کی بہتر معاشی پالیسیوں کا اعتراف دنیا بھرمیں ہوا ۔ عارف علوی نے کہاکہ دنیا میں مہنگائی تیزی سے بڑھی،پاکستان نے زراعت سمیت کئی شعبوں میں اچھی کارکردگی دکھائی۔صدر مملکت نے کہاکہ چیمبر آف کامرس، کاروباری افراد اور سرمایہ کاروں کا ملکی معیشت میں اہم رول ہے،نوجوانوں کو چیمبرز اور مختلف یونیورسٹیز کی مدد سے ووکیشنل ٹریننگ دینا ہوگی۔ انہوںنے کہاکہ کامیاب جوان پروگرام اور قرضوں کی فراہمی سے خواتین کو بااختیار بنانے کے لیے اقدامات کیے جارہے ہیں۔ صدر مملکت نے کہاکہ وفد سکھر ایئرپورٹ سے انٹرنیشنل فلائٹس ،ڈرائی پورٹ اور انڈسٹریل زون کے حوالے سے سفارشات بھجوائے۔ صدر مملکت نے کہاکہ سکھر ریجن کی ترقی کے لئے اقدامات کرتے رہیں گے ، حیدرآباد سکھر موٹروے سے عوام کو سفری سہولت ملے گی، کاروباری سرگرمیوں میں اضافہ ہوگا،ہمیں آئی ٹی کے شعبے میں مزید ترقی کرنا ہوگی
مقبول خبریں
آزاد کشمیر پر بھارتی رہنماؤں کے اشتعال انگیز دعوؤں میں تشویشناک اضافہ ، پاکستان...
اسلام آباد (این این آئی) ترجمان دفتر خارجہ نے کہا ہے کہ آزاد کشمیر پر بھارتی رہنماؤں کے اشتعال انگیز دعوؤں میں تشویشناک اضافہ...
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے...
اسلام آباد (این این آئی)وزیر داخلہ محسن نقوی نے اسلام آباد پولیس خدمت مرکز 24 گھنٹے کھلا رکھنے کا اعلان کردیا۔میڈیا سے گفتگو...
الیکشن کمیشن نے آزاد اراکین قومی اسمبلی کی سنی اتحاد کونسل میں شمولیت تسلیم...
اسلام آباد(این این آئی)الیکشن کمیشن نے پاکستان تحریک انصاف کے آزاد اراکین قومی اسمبلی کی سنی اتحاد کونسل میں شمولیت کو تسلیم کرلیا۔گزشتہ روز...
پنجاب میں رہنماں کے گھر چھاپے مارے جارہے ہیں، پولیس گردی ختم ہونی چاہیے،...
اسلام آباد (این این آئی)قائد حزب اختلاف عمر ایوب نے کہا ہے کہ رات سے ہمارے رہنماں کے گھر چھاپے مارے جارہے ہیں، ہم...
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں...
اسلام آباد (این این آئی)وزیر اعظم شہباز شریف ورلڈ اکنامک فورم کے اجلاس میں شرکت کیلئے 28 اپریل کو سعودی عرب روانہ ہوں گے۔ترجمان...