صوبے میں فروغ تعلیم پنجاب حکومت کی اولین ترجیح ہے’راجہ راشد حفیظ

0
54

لاہور( این این آئی)صوبائی وزیرخواندگی اور غیر رسمی تعلیم راجہ راشد حفیظ نے کہاہے کہ صوبے میں فروغ تعلیم پنجاب حکومت کی اولین ترجیح ہے۔پنجاب میں ساڑھے تیرہ ہزار ناں فارمل سکولز کام کر رہے ہیں جن میں ساڑھے چار لاکھ سے زائد بچے زیرتعلیم ہیں۔ان خیالات کااظہار انہوں نے سرونگ سکولزوکالجزایسوسی ایشن کے وفد سے ملاقات میں کیا۔وفد میں میاں رضا،اکرام خان،سلمان مقصود اور قاضی نعیم انجم،سعید منہاس شامل تھے۔صوبائی وزیرراجہ راشد نے مزید کہا کہ نجی سیکٹر کی فروغ تعلیم کیلئے قابل ستائش ہیں۔اس موقع پرسرونگ سکولز کے وفد نے نا ن فارمل سکولز سے بھرپور تعاون کی یقین دہانی بھی کرائی۔۔وفد کا کہنا تھا کہ نان فارمل سکولزانتظامیہ سے ہر تعاون کیلئے تیارہیں۔سرونگ سکولز کے صدرمیاں رضا الرحمان نے کہا کہ وسائل سے محروم طبقات کو تعلیم کے ذریعہ ہی غربت سے نکالا جاسکتا ہے۔ناں فارمل سکولز میں زیرتعلیم بچے بھی ہمارے ہی بچے ہیں ۔سلمان مقصود کا کہنا تھا کہ محروم طبقات کو خط غربت سے اوپر لانا اور فروغ تعلیم ہی وزیراعظم عمران خان کا ویژن ہے۔۔چیئرمین اکرام خان اور قاضی نعیم نے بھی پنجاب حکومت کی علم دوست کوششوں کو سراہا۔