کراچی (این این آئی)معروف پاکستانی اداکارہ ماورہ حسین نے ٹی 20ورلڈ کپ میں پاکستان کی مسلسل پانچویں کامیابی پر پاکستان کو ناقابلِ شکست قراردے دیا۔ماورہ حسین نیمائیکرو بلاگنگ ویب سائٹ ٹوئٹر پر پاکستان کی گزشتہ روز ہونے والے میچ میں اسکاٹ لینڈ کے خلاف کامیابی پر خوشی کا اظہار کیا ہے۔انہوں نے پاکستان کرکٹ ٹیم کی کارکردگی کی تعریف کرتے ہوئے لکھا کہ ‘ماشاء اللہ! شاندار اننگز کھیلی۔اداکارہ نے اپنے ایک اور ٹوئٹ میں پاکستان کی ایونٹ میں مسلسل پانچویں کامیابی پر پاکستان کو ناقابلِ شکست قرار دیاہے۔واضح رہے کہ پاکستان ٹیم سپر 12 کے آخری میچ میں اسکاٹ لینڈ کو با آسانی 72 رنز سے شکست دیکر ٹی ٹوئنٹی ورلڈ کپ کی اب تک کی ناقابل شکست ٹیم بن چکی ہے۔
