قاہرہ(این این آئی) شمالی سینا کے گورنر محمد عبدالفضیل شوشہ نے انکشاف کیا ہے کہ غزہ میں جنگ شروع ہونے کے بعد سے اب تک تقریبا 10,000 افراد غزہ سے مصر کی جانب رفح کراسنگ عبور کر چکے ہیں۔غیرملکی خبررساں ادارے کے مطابق میڈیا سے بات چیت میں انہوں نے یہ بھی بتایا کہ اس کراسنگ پر غزہ کے تقریبا 1500 زخمی اور بیمار فلسطینی باشندوں کو عبور کرتے ہوئے مصری ہسپتالوں اور کچھ دوست ممالک میں علاج کے لیے لے جایا گیا۔ ان بیماروں اور زخمیوں کے ساتھ ان کے تقریبا دو ہزار رشتہ داربھی شامل تھے۔ اس کے علاوہ رفح کراسنگ سے تقریبا 2400 غیر ملکی اور دوہری شہریت والے فلسطینی بھی نکلے تھے۔ غزہ کی پٹی میں تقریبا 4,000 مصری پھنسے ہوئے ہیں۔ انھوں نے کہا کہ یہ کراسنگ جنگ کے آغاز کے بعد سے چوبیس گھنٹے کھلی رہتی ہے، حتی کہ سرکاری تعطیلات پر بھی اسے فلسطینیوں کو امداد پہنچانے کی مصری کوششوں کے حصے کے طور پر کھلا رکھا جاتا ہے۔عبدالفضیل شوشہ نے اس بات کی بھی تصدیق کی کہ گذشتہ اکتوبرسے تقریبا 20,000 انسانی اور طبی امداد کے ٹرک اور درجنوں ایمبولینسیں رفح اور کریم شلوم کراسنگ کے ذریعے غزہ میں داخل ہوئیں۔ انہوں نے مزید کہا کہ امداد تین محوروں کے ذریعے العریش تک پہنچتی ہے، جن میں پہلا زمینی محور ہے جہاں مصر کے اندر سے مصری اور عرب اداروں سے امداد آتی ہے۔ امداد کا کچھ حصہ فضائی سروس کے ذریعے آتا ہے۔ العریش انٹرنیشنل ایئرپورٹ پر تقریبا 600 طیارے اتر چکے ہیں۔ یہ طیارے 52 ممالک اور بین الاقوامی تنظیموں کی طرف سے بھیجے گئے تھے۔ اس کے علاوہ العریش بندرگاہ تک بحری جہازوں کے ذریعے سامان لایا جا رہا ہے۔
مقبول خبریں
متحدہ عرب امارات میں آج سے شدید بارش کی پیشگوئی
ابوظہبی(این این آئی)متحدہ عرب امارات میں بدھ کی شام سے جمعرات تک شدید بارش کی پیشگوئی کی گئی ہے۔غیرملکی خبررساں ادارے کے مطابق اماراتی...
جنگ بندی اور غزہ سے اسرائیلی افواج کا انخلا چاہتے ہیں، حماس
مقبوضہ بیت المقدس(این این آئی)حماس کے ترجمان عبدالطیف الکانو نے کہا ہے کہ ہمارے مطالبات جائز ہیں، مستقل جنگ بندی اور غزہ سے...
اسرائیل نے 40 روزہ جنگ بندی کی پیشکش کی ہے، برطانیہ
مقبوضہ غزہ(این این آئی)غزہ میں جنگ بندی معاہدے کی کوششیں جاری ہیں۔ غیرملکی خبررساں ادارے کے مطابق اس حوالے سے برطانوی وزیرخارجہ نے کہا...
اعلی امریکی سفارت کار کی شہزادہ محمد بن سلمان سے ریاض میں ملاقات
ریاض(این این آئی)سعودی ولی عہد اور وزیر اعظم شہزادہ محمد بن سلمان نے پیر روز امریکہ کے اعلی ترین سفارت کار انٹونی بلنکن سے...
سپریم کورٹ کا ملک بھر میں سڑکوں اور فٹ پاتھ پر سے تجاوزات 3دن...
کراچی(این این آئی)سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دیتے ہوئے تحریری حکم نامہ جاری...