اسلام آباد (این این آئی)وزیر اعظم عمران خان نے کہاہے کہ کمیشن بنا دیا ہے ،براڈشیٹ کے علاوہ سرے محل اور حدیبیہ پیپرملز کیس کی بھی مکمل تحقیقات ہونگی،پی ڈی ایم نے جلسوں پر پورا زور لگاکر دیکھ لیا ، عوام نے ساتھ نہیں دیا ،یہ الیکشن کمیشن میں ہمیں پھنسانا چاہتے تھے اور خود پھنس گئے ، آپ بے فکر رہیں ، اپوزیشن ہمارے مسئلہ نہیں ہے ،ارکان پارلیمنٹ شیلٹر ہومز کے دورے کریں، غریبوں کو سہولیات فراہم کریں۔ پارلیمانی پارٹی کے اجلا س سے خطاب کرتے ہوئے وزیر اعظم نے کہاکہ پی ڈی ایم عملی طور پر ختم ہو چکی ہے، انہوں نے جلسوں پر پورا زور لگا کر دیکھ لیا عوام انکے ساتھ نہیں۔ عمران خان نے کہاکہ یہ الیکشن کمیشن میں ہمیں پھنسانا چاہتے تھے، خود پھنس گئے، آپ بے فکر رہیں، اپوزیشن ہمارے لیے کوئی مسلئہ نہیں۔ وزیر اعظم نے کہاکہ تمام لوگ ملکر احساس پروگرام پر پورا زور لگائیں،ارکان پارلیمنٹ شیلٹر ہومز کے دورے کریں، غریبوں کو سہولیات فراہم کریں۔ وزیر اعظم نے کہاکہ غریب کا احساس کریں گے تو باقی معاملات بھی ٹھیک ہونگے۔ انہوںنے کہاکہ برادشیٹ معاملے پر کمیشن بنا دیا ہے، براڈشیٹ کے علاوہ سرے محل اور حدیبیہ پیپرملز کیس کی بھی مکمل تحقیقات ہونگی۔
