لاہور( این این آئی) گلوکارہ نازیہ حسن کے شوہر اشتیاق بیگ نے برطانوی عدالت جانے کا اعلان کرتے ہوئے کہا کہ زوہیب حسن کو سڑک پر لائے بغیر چین سے نہیں بیٹھوں گا۔نجی ٹی وی سے گفتگو کرتے ہوئے اشتیاق بیگ نے کہا کہ نازیہ نے پاکستانی ہائی کمیشن میں طلاق کی درخواست نہیں دی تھی،نازیہ حسن کا زہر دینے سے متعلق بیان حلفی جعلی ہے۔ان کا مزید کہنا تھا کہ زوہیب حسن کے خلاف برطانوی عدالت میں بھی مقدمہ کروں گا، زوہیب حسن الزام تراشی کرکے مجھ سے رقم حاصل کرنا چاہتا ہے۔مرزا اشتیاق بیگ کا کہنا تھا کہ نازیہ حسن سے طلاق نہیں ہوئی تھی، آخری وقت تک اس کا شوہر رہا،ناازیہ حسن کے اہل خانہ نے طلاق کا جھوٹا سرٹیفکیٹ بنوایا تھا، نازیہ کے ڈیتھ سرٹیفکیٹ میںساری تفصیل موجود ہیں کہ ان کی موت کیسے اور اس میںمجھے ان کا شوہر ہی بتایا گیا۔
