اسلام آباد (این این آئی)وفاقی وزیرداخلہ محسن نقوی نے جنوبی و شمالی وزیرستان میں فتنہ الخوارج کے 12 دہشتگردوں کو جہنم واصل کرنے پر سکیورٹی فورسز کی تحسین پیش کرتے ہوئے کہا ہے کہ پاکستان کی سکیورٹی فورسز کے 6 جری جوانوں نے وطن پر جان نچھاور کرکے خوارجی دہشتگردوں کو عبرتناک انجام تک پہنچایا۔ اپنے بیان میں وزیر داخلہ محسن نقوی نے جھڑپوں میں شہید ہونیوالے سکیورٹی فورسز کے 6 بہادر جوانوں کو خراج عقیدت پیش کیا ۔وزیر داخلہ محسن نقوی نے شہداء کے خاندانوں سیدلی ہمدردی و تعزیت کا اظہار کیا اور کہاکہ فتنہ الخوارج کے دہشتگردوں نے رات کی تاریکی میں بزدلانہ حملہ کیا۔ انہوںنے کہاکہ پاکستان کی سکیورٹی فورسز کے 6 جری جوانوں نے وطن پر جان نچھاور کرکے خوارجی دہشتگردوں کو عبرتناک انجام تک پہنچایا۔ انہوںنے کہاکہ خوارجی دہشتگردوں کے مذموم عزائم ناکام بنانے والے سکیورٹی فورسز کے جوانوں کو سلام پیش کرتے ہیں۔ انہوںنے کہاکہ شہداء ہمارے لئے باعث افتخار اور ہمارے سروں کا تاج ہیں،شہداء کی عظیم قربانیوں کو فراموش نہیں کر سکتے۔انہوںنے کہاکہ فتنہ الخوارج کے دہشتگردوں کا سر کچلنے کے لیے قوم کے پختہ عزم کو شکست نہیں دی جا سکتی۔ محسن نقوی نے کہاکہ شہداء کے خاندانوں کے ساتھ کھڑے ہیں اور ان کے دکھ میں برابر کے شریک ہیں،قوم دہشتگردی کے ناسور سے نمٹنے کیلئے سکیورٹی فورسز کے ساتھ ہے۔
وفاقی وزیرداخلہ محسن نقوی نے جنوبی و شمالی وزیرستان میں فتنہ الخوارج کے 12 دہشتگردوں کو جہنم واصل کرنے){kind=link}