اسلام آباد(این این آئی) وزیر اعظم محمد شہبازشریف نے ہدایت کی ہے کہ قومی خزانے کو خسارے سے نقصان پہنچانے والے اداروں کی اصلاحات کا ترجیحی بنیادوں پر نفاذ یقینی بنایا جائے ۔وزیر اعظم محمد شہباز شریف کی زیر صدارت اسٹیٹ اونڈ اینٹر پرائزز (SOEs) میں جاری اصلاحات پر پیش رفت کا جائزہ اجلاس ہوا جس میں وزیر اعظم کو اداروں بشمول کارپوریشنز کی کارکردگی کے اعشاریے پیش کرنے کے ساتھ جاری اصلاحات پر پیش رفت سے بھی آگاہ کیا گیا۔ اجلاس میں وفاقی وزراء اسحاق ڈار، خواجہ محمد آصف، سید نوید قمر، مخدوم مرتضی محمود، انجینئر خرم دستگیر، خواجہ سعد رفیق، اعظم نذیر تارڑ، مشیر وزیرِ اعظم احد خان چیمہ، معاونین خصوصی جہانزیب خان، طارق باجوہ اور متعلقہ اعلی حکام نے شرکت کی۔وزیر اعظم نے کہاکہ حکومت بین الاقوامی معیار کے عین مطابق اداروں کی بہتری اور عوام کو بہترین سہولیات کی فراہمی یقینی بنانے کیلئے اقدامات کر رہی ہے۔ اجلاس کے دور ان بتایاگیاکہ اسٹیٹـاونڈـاینٹرپرائزز میں اصلاحات کا عمل تیزی سے جاری ہے،جدید نظام اور بہترین سہولیات کی فراہمی کیلئے ان اداروں کے بورڈز میں ماہرین کی شمولیت یقینی بنائی جائے گی۔ وزیر اعظم نے کہاکہ خدمات کی آؤٹ سورسنگ اور پبلک پرائیوٹ پارٹنزشپ میں شفافیت کے عنصر کو مرکزی اہمیت دی جائے۔ وزیر اعظم نے کہاکہ حکومت یقینی بنائے گی کہ آئندہ نگران حکومت قومی مفاد کی پالیسیوں کا تسلسل قائم رکھے۔ شہباز شریف نے کہاکہ پوری کوشش ہے کہ قومی ترقی کا تسلسل برقرار رہے۔وزیرِ اعظم نے ہدایت کی کہ قومی خزانے کو خسارے سے نقصان پہنچانے والے اداروں کی اصلاحات کا ترجیحی بنیادوں پر نفاذ یقینی بنایا جائے ۔
مقبول خبریں
پاکستان میں سرمایہ کاری بڑھانے کے لیے پرعزم ہیں’سعودی وزیرسرمایہ کاری خالد بن عبدالعزیز
اسلام آباد(این این آئی)سعودی وزیر سرمایہ کاری خالد بن عبدالعزیز الفاح نے اسلام آباد میں منعقد پاک سعودی بزنس فورم سے خطاب میں اس...
ہم اس وقت معاشی محاذ پر بہترین پوزیشن میں آگئے ہیں، وزیر خزانہ
اسلام آباد(این این آئی) وزیر خزانہ محمد اورنگزیب کا کہنا ہے کہ ہم اس وقت معاشی محاذ پر بہترین پوزیشن میں آگئے ہیں اور...
صدرآصف علی زرداری سے سعودی سرمایہ کاری وفد کی ملاقات
اسلام آباد(این این آئی)صدرِ مملکت آصف علی زرداری سے سعودی وزیر سرمایہ کاری خالد بن عبدالعزیز الفالح کی قیادت میں وفد نے ملاقات کی۔اس...
آرمی چیف جنرل عاصم منیر سے سعودی وزیرِ سرمایہ کاری کے وفدکی ملاقات
اسلام آباد(این این آئی)آرمی چیف جنرل عاصم منیر سے سعودی عرب کے وزیر سرمایہ کاری خالد بن عبدالعزیز الفالح نے وفد کے ہمراہ ملاقات...
سعودی وزیر خارجہ کی ایرانی ہم منصب سے ملاقات، خطے کی صورت حال پر...
ریاض(این این آئی)سعودی عرب کے وزیر خارجہ شہزادہ فیصل بن فرحان نے ریاض کے دورے پر آنے والے اپنے ایرانی ہم منصب عباس عراقچی...