اسلام آباد (این این آئی) پاکستان پیپلز پارٹی کی نائب صدر سینیٹر شیری رحمان نے کہا ہے کہ پنجاب، خاص طور پر لاہور میں، ویکسینیشن کے بہت سے مراکز میں ویکسین کی فراہمی بند ہوچکی ہے۔ اپنے بیان میں انہوںنے کہاکہ چونکا دینے والی بات یہ ہے کہ ملک میں کورونا وائرس ویکسین کی کمی ہو گئی ہے، پنجاب، خاص طور پر لاہور میں، ویکسینیشن کے بہت سے مراکز میں ویکسین کی فراہمی بند ہوچکی ہے۔ انہوںنے کہاکہ پنجاب میں کئی جگہ پے ویکسینیشن ڈرائیو روک دی گئی ہے، حالیہ دنوں میں سندھ کی ویکسین سپلائی میں بھی کمی آئی ہے۔ انہوںنے کہاکہ این ڈی ایم اے اور قومی صحت کی وزارت کے مابین ہم آہنگی کا فقدان ویکسین کی قلت کا سبب بنا ہے، کیا وفاقی حکومت عطیہ کی گئی ویکسین پر زندہ رہنے کا منصوبہ بنا رہی ہے؟ یا حکومت پھر سے ویکسین منگوانا بھول گئی ہے؟ ۔شیری رحمان نے کہاکہ حکومت فائزر ویکسین کی 1 لاکھ خوراکیں کہاں چھپا رہی ہے؟ ۔
