اسلام آباد (این این آئی)پاکستان میں تعینات چین کے سفیرنونگ رونگ نے امیر البحر ایڈمرل محمد امجد خان نیازی سے ملاقات کی جس میں باہمی دلچسپی کے امور اور علاقائی سیکیورٹی صورتحال پر تبادلہ خیال کیا گیا ۔ ترجمان پاک فضائیہ کے مطابق جمعرات کو چینی سفیر نے نیول ہیڈ کوارٹرز اسلام آباد کا دورہ کیا اور امیر البحر ایڈمرل محمد امجد خان نیازی سے ملاقات کی جس میں باہمی دلچسپی کے امور اور علاقائی سیکیورٹی صورتحال پر تبادلہ خیال کیا گیا۔ ترجمان پاک بحریہ کے مطابق نیول چیف نے خطے کی بحری سیکیورٹی میں پاک بحریہ کے کردار پر روشنی ڈالی۔ ترجمان پاک بحریہ نے بتایاکہ چینی سفیر نے خطے میں بحری سیکیورٹی کے حوالے سے پاک بحریہ کی کاوشوں کو سراہا۔ ترجمان پاک بحریہ کے مطابق ملاقات میں دونوں دوست ممالک بالخصوص بحری افواج کے مابین خوشگوار تعلقات کو مزید فروغ دینے کے عزم کا بھی اعادہ کیا گیا۔
