اسلام آباد (این این آئی)وزیرِ اعظم شہباز شریف کی ہدایت پر افغانستان میں سیلاب متاثرین کیلئے پاکستان کی طرف سے امدادی اشیاء کی پہلی کھیپ پاکستان ائیر فورس کے خصوصی طیارے کے ذریعے افغانستان پہنچا دی گئی ہے۔ترجمان کے مطابق امدادی اشیاء میں 100 خیمے، 2 ٹن آٹا، 1 ٹن چاول، 450 کلو چینی شامل ہیں،امدادی اشیاء کی دوسری کھیپ 9 مئی کو روانہ ہوگی،وزیراعظم نے کہاکہ افغانستان میں سیلاب زدگان کی امداد کیلئے پاکستان ہر ممکن کوشش کریگا۔
