اسلام آباد (این این آئی)پاکستان منرلز سمٹ ”ڈسٹ ٹو ڈویلپمنٹ ” کے افتتاحی سیشن کا آغاز ہوگیا ۔افتتاحی سیشن میں وزیراعظم محمد شہباز شریف اور آرمی چیف جنرل سید عاصم منیر نے بھی خصوصی طورپر شرکت کی۔سمٹ کا پہلا ہدف بیرون ملک سے سرمایہ کاری کو راغب کرنا ہے۔سیمینار میں معدنیا ت کے شعبہ کے ماہرین اورغیرملکی سرمایہ کاروں کی کثیر تعداد میں شریک ہیں۔سمٹ میں وفاقی وزرا سمیت غیرملکی سفارتکار اور مختلف شعبوں کے ماہرین بھی شرکت کررہے ہیں۔ واضح رہے کہ سپیشل انوسٹمنٹ فیسلی ٹیشن کونسل کے قیام سے ترقی کے سنہری دور کا آغاز ہوچکا ہے، حکومت اورآرمی چیف کی کاوشوں سے پاکستان پائیدارترقی کی راہ پر گامزن ہے۔سرزمین پاکستا ن بے شمار دھاتی اورغیر دھاتی خزانے اور قدرتی وسائل سے مالا مال ہے جن میں کوئلہ ، سونا، تانبا، باکسائٹ ، معدنی نمک،کرومائیٹ اور لوہے سمیت بہت سی دیگرمعدنیات پائی جاتی ہیں۔ زراعت ، لائیوسٹاک ، آئی ٹی اورمعدنیات کے شعبوں میں جدید ٹیکنالوجیز کے استعمال کو فروغ دیا جائے گا۔
