اسلام آباد (این این آئی) انسٹی ٹیوٹ آف پلانٹ پروٹیکشن، چائنیز اکیڈمی آف ایگریکلچرل سائنسز (آئی پی پی سی اے اے ایس) اور زرعی یونیورسٹی کے شعبہ اینٹولوجی نے بیجنگ میں ٹرم برادر ایڈمنسٹریشن کیلئے پاک چین مشترکہ تحقیقی کے قیام کے لیے ایک معاہدے پر دستخط کیے ہیں۔ گوادر پرو کے مطابق لیٹر آف انٹینٹ پر آئی پی پی سی اے اے ایس کے ایگزیکٹو ڈائریکٹر لو یانہوئی اور یو اے ایف کے وائس چانسلر پروفیسر ڈاکٹر اقرار احمد خان نے دستخط کیے۔ معاہدے کے مطابق دونوں فریق پاکستان اور چین میں فصلوں کے کیڑوں کی روک تھام اور کنٹرول کے لیے مشترکہ تحقیقی مرکز قائم کریں گے۔ اس تعاون میں عام فصلوں کی بیماریوں کے لیے بیماریوں پر قابو پانے کی مربوط حکمت عملیوں پر ٹیسٹ، مظاہرے اور مشترکہ تحقیق شامل ہے۔ اس میں افرادی قوت کی تربیت اور تبادلہ پروگرام بھی شامل ہیں۔ گوادر پرو کے مطابق انسٹی ٹیوٹ آف پلانٹ پروٹیکشن میں ڈویڑن آف ریسرچ اینڈ انٹرنیشنل کوآپریشن کے ڈپٹی ایگزیکٹو ٹیان ٹوتھ کی صدارت میں ہونے والے اجلاس میں یو اے ایف کے وائس چانسلر پروفیسر ڈاکٹر اقرار احمد خان کی طرف سے یو اے ایف کی بنیادی صورتحال کے بارے میں پریزنٹیشن دی گئی۔ پروفیسر ڈاکٹر محمد جلال عارف نے کپاس، ترشاوا پھلوں اور امرود جیسی فصلوں پر سفید مکھی کے اثرات جیسی مثالوں کا حوالہ دیتے ہوئے کیڑوں کے مسائل کے ساتھ پاکستان کے چیلنجز پر زور دیا۔ انہوں نے پھلوں کی مکھیوں، گلابی بول ورم اور سفید مکھی جیسے
