بیجنگ (این این آئی) چین کے صدر شی جن پھنگ اور تیونس کے صدر کائس سعیدنے دونوں ممالک کے درمیان سفارتی تعلقات کے قیام کی 60 ویں سالگرہ کے موقع پر مبارکباد کے پیغامات کا تبادلہ کیا۔ بدھ کو شی جن پھنگ نے نشاندہی کی کہ چین اور تیونس کے درمیان گہری روایتی دوستی پائی جاتی ہے۔ سفارتی تعلقات کے قیام کے بعد سے گزشتہ 60 سال کے دوران بین الاقوامی صورتحال میں تبدیلیوں کے باوجود دونوں ممالک کے درمیان تعلقات ہمیشہ صحت مند اور مستحکم انداز میں فروغ پاتے رہے ہیں . شی جن پھنگ کا کہنا ہے کہ انہوں نے دسمبر 2022 میں منعقدہ چین عرب سربراہ اجلاس کے دوران صدر سعید سے ملاقات کی اور اہم اتفاق رائے کے ذریعے چین تیونس تعلقات کی ترقی کی رہنمائی کی۔ وہ چین تیونس تعلقات کی ترقی کو بہت اہمیت دیتے ہیں اور دونوں ممالک کے درمیان سفارتی تعلقات کے قیام کی 60 ویں سالگرہ کے موقع سے فائدہ اٹھا کر دونوں ممالک کے درمیان دوستانہ تعاون پر مبنی تعلقات کی نئی اور وسیع تر ترقی کو فروغ دینے کے لئے صدر سعید کے ساتھ مل کر کام کرنے کے لئے تیار ہیں۔صدر کائس سعید نے کہا کہ تیونس اور چین کے درمیان طویل دوستی اور نتیجہ خیز تعاون موجود ہے۔ حالیہ برسوں میں فریقین نے مشترکہ اقدار کو برقرار رکھتے ہوئے دوطرفہ تعلقات کے استحکام اور وسعت کو اہمیت دی ہے اور بین الاقوامی و علاقائی امور میں قریبی تعاون میں اضافہ کیا ہے۔ تیونس تمام شعبوں اور وسیع امکانات کی حامل نئی قسم کی شراکت داری قائم کرنے کے لئے چین کے ساتھ کام کرنے کو تیار ہے تاکہ دوطرفہ تعلقات کو بلند تر سطح تک پہنچایا جاسکے۔ اسی روز چینی وزیر اعظم لی چھیانگ اور تیونس کے وزیر اعظم احمد ہچانی نے بھی تہنیتی پیغامات کا تبادلہ کیا
مقبول خبریں
پاک چائنا تعلقات دنیا میں بے مثال،چین نے ہمیشہ پاکستان کا غیر مشروط ساتھ...
اسلام آباد (این این آئی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے کہا ہے کہ پاکستان اور چین کے...
محسن نقوی سے امریکی ادارہ برائے نارکوٹکس کے وفد کی ملاقات، باہمی دلچسپی کے...
اسلام آباد (این این آئی)وفاقی وزیر داخلہ وانسدا منشیات محسن نقوی سے امریکہ کی بیورو آف انٹرنیشنل نارکوٹکس اینڈ لا ء انفورسمنٹ افیرز( آئی...
ملکی سیاحت کی ترقی سے پاکستان کا عالمی سطح پر مثبت تشخص اجاگر ہوگا،سپیکر...
اسلام آبا د(این این آئی)اسپیکر قومی اسمبلی سردار ایاز صادق نے کہا ہے کہ سیاحت کا فروغ ملکی سماجی اور اقتصادی ترقی کے...
غیر ملکی سرمایہ کاروں کی سہولت کے لئے کلی معیشت کے استحکام کے ماحول...
اسلام آباد (این این آئی)وزیر اعظم محمد شہباز شریف نے ممتاز پاکستانی امریکن بینکرز کوملک میں انفراسٹرکچر، توانائی، ٹیکنالوجی، زراعت کے شعبوں میں...
وزیر اعلیٰ مریم نواز شریف کا مخدوش ،خستہ حال عمارتوں میں بنے سکول سیل...
لاہور( این این آئی) وزیر اعلیٰ پنجاب مریم نواز شریف نے مخدوش اور خستہ حال عمارتوں میں بنے سکول سیل کرنے کا حکم دیتے...