ماسکو(این این آئی)یوکرین کی سرحد سے متصل بیلگوروڈ پر یوکرائنی حملے میں 20سے زائد افرادہلاک ہوگئے،ادھریوکرین کی سرحد سے متصل بیلگوروڈ کے روسی گورنر نے کہا ہے کہ ان کا خطہ یوکرین کی حالیہ بمباری کے نتیجے میں مشکل دورسے گذر رہا ہے۔غیرملکی خبررساں ادارے کے مطابق گزشتہ روز ایک بیان میں انہوں نے کہاکہ بچوں سمیت سینکڑوں رہائشیوں نے حملوں کے بعد علاقے کا دارالحکومت چھوڑ دیا ہے جس میں 20 سے زیادہ افراد ہلاک ہو گئے۔گورنر ویاچسلاو گلادکوف نے ماسکو میں ایک نمائش کے دوران کہا کہ بیلگوروڈ کا علاقہ مشکل وقت سے گزر رہا ہے۔انہوں نے مزید کہا کہ مزید حملوں اور گھروں کی تباہی کے خطرے کی وجہ سے سرحد کے قریب اسکولوں نے فاصلاتی تعلیم کی طرف رخ کر لیا ہے۔
