اسلام آباد (این این آئی)ملک بھر میں گزشتہ 24 گھنٹوں کے دوران53 ہزار 253 کورونا ٹیسٹ کئے گئے ہیں۔وزارت قومی صحت کی جانب سے جاری ٹویٹ میں شیئر کئے گئے اعدادوشمار کے مطابق گزشتہ 24 گھنٹوں کے دوران 53 ہزار 253 کورونا ٹیسٹ کئے گئے ہیں جن میں سے 5034 افراد کے کورونا ٹیسٹ مثبت آئے ہیں۔ اس طرح گزشتہ 24 گھنٹوں میں کئے گئے کورونا ٹیسٹوں کی مثبت کی شرح 9.45 فیصد رہی ہے۔ مزید برآں اس دوران کورونا وائرس کی وجہ سے جاں بحق ہونے والوں کی تعداد 10ریکارڈ کی گئی ہے ،827 مریضوں کی حالت تشویشناک ہے۔
