لاہور(این این آئی)نوجوان نسل کے پسندیدہ گلوکار طاہر عباس کانیا گانا”من میریاں” یوٹیوب کے ٹاپ فائیوٹرینڈنگ میںآگیا،ویوزبھی چارلاکھ سے تجاوزکرگئے۔ایک ملاقات کے دوران خوشی کا اظہار کرتے ہوئے طاہر عباس کا کہنا تھا کہ انہیں ان کے پرستاروں نے ہمیشہ اسی پیارسے نوازاہے جس طرح ان کے گانے”رسیا نہ کر”،”موٹروے”،”ملتان ملسوں” اور”زندگی”کو اپنائیت بخشی اور اسے سپر ڈپر ہٹ قرار دیا اسی اطرح انہوں نے ان کے حالیہ ریلیز ہونیوالے ویڈیو”من میریاں” کو نوازاہے ان کے پیار کی بدولت ہی ان کا یہ گانایوٹیوب پر ٹاپ 5 کی ٹرینڈنگ میں آگیاہے اور اس کے ویوزبھی طار لاکھ سے تجاوزکرگئے ہیں انشاء اللہ ان کا یہ ویڈئو بلین ویوزمیں جائیگا۔طاہر عباس کا کہناتھا کہ پرستاروں کا پیار دیکھتے ہوئے وہ بہت جلد اپنے نئے البم”رمز” کا دوسرا گانا بھی جلد ریلیز کردینگے جو ”من میریاں” کی طرح ہی ان کے دلوں میں گھر کرلے گا۔طاہر عباس نے مذید کہاکہ ان کا گانا”من میریاں” دیگر سوشل سائیٹس ”سنیک ویڈیو” ، ”لائکی” ودیگر پر بھی دھوم مچارہاہے اور اس کے لاکھوں ٹک ٹاک بھی بن چکے ہیں معروف ٹک ٹاکر بارباراس کے ٹک ٹاک بنا رہے ہیں اور ٹرینڈنگ پر جارہے ہیں انشاء اللہ وہ ان کی امیدوں پر پورا اتریں گے اور پرستاروں کو ہربار کچھ نیا سننے اور دیکھنے کو ملے گا۔
